Eugène Maraisprys: Een voet innie kabr van Gaireyah Fredericks

Abstract

Gaireyah Fredericks se kortverhaalbundel Een voet innie kabr speel af in die Suid-Afrikaanse Moslemgemeenskap. Sy gebruik Moslem-Afrikaans in die bundel – ’n variëteit wat by uitsondering in Afrikaanse letterkunde opgeteken is, hoewel dit een van die oudste variëteite van Afrikaans is. Die verhale in die bundel belig verskeie aspekte van Moslemkultuur en -gebruike. Dialoog, dikwels met die ondertone van humor, en die sketsing van die betrokke ruimte is besonder geslaagd in hierdie kortverhale.